對住小朋友講到夢想,當中一定不乏將來想創業做老闆、做CEO嘅唸法。想要成功創業一啲都唔簡單,喺未真正賺到錢嗰陣已經令你嚐盡苦頭!話雖如此,但宜家越嚟越多小朋友人仔細細就識得創業揾錢,始終有時佢哋嘅「創作力量和幻想會嚇你一跳」㗎!有唔少小朋友喺18歲前已經實現咗不少港人嘅CEO夢,所以喺創業路上永遠都無太早或太遲!

小廚神 — Cory Nieves​

Cory Nieves喺著名節目「Master Chef Junior Season」(小小廚神)嘅其中一位參賽者,他喺5歲嗰陣已經成立了自己嘅曲奇餅店「Mr.Corys Cookies」。

當初嘅創業念頭是希望打造健康的曲奇,於是Cory同媽媽花了一個月時間上堂學烘焙,再不斷實驗各種配方。
直至有一款佢哋試做嘅朱古力曲奇令他一試難忘,就成為了佢哋初時店舖嘅王牌產品。
而Cory 亦成為咗店舖嘅「生招牌」,佢成熟嘅衣著打扮同年齡造成嘅反差好受人關注,亦會不時受邀上電視節目。
小朋友創業幫助小朋友 — Sebastian​

小朋友幫助小朋友(KIDS HELPING KIDS)係Are You Kidding公司嘅理念,公司成立於2014年,創辦人是一位當時只有10歲嘅Sebastian,而公司嘅銷售總監則是由大Sebastian兩歲嘅哥哥擔任!

佢哋公司最主要嘅產品就係兩兄弟自己設計嘅襪,而所有慈善產品嘅三成收益會捐至不同嘅慈善團體去回饋社會,幫助有需要嘅小朋友。
拍玩具分享Youtuber — Evan

「網絡紅人」可謂現今社會嘅新型職業之一,而使用網絡嘅人亦不乏小學生,EvanTubeHD係一位名為Evan嘅男生創辦,當時就讀小一嘅他主要拍玩具分享為主。

但後來頻道內容都愈來愈豐富,Evan同妹妹Jillian會做一啲挑戰影片,其至打機、科學實驗嘅內容也有,係一個適合一家大小觀看嘅Youtube頻道。
目前該頻道嘅訂閱人數已經去到641萬,而當初Evan打算靠經營頻道去賺取自己同妹妹嘅升學基金,目標相信早已完成。
香港最年輕CEO — Hillary​

說到香港嘅小小CEO代表,葉礽僖Hillary則最為廣大市民認識,Hillary嘅創業契機係因為她喺學校無法融入其他同學嘅圈子,最後決定輟學在家學習。

Hillary本身雖說得一口流利嘅英文,但中文水平則相當有限!同弟弟喺台灣上完暑期課程盼加強中文水平之後,佢就萌生創業念頭,希望建立一個小朋友之間互相用唔同語言交流分享日常嘅平台。

最後佢拜託咗相關技術人員協助佢完成呢個名為MinorMynas嘅APP,並喺2017年面世。

當時嘅佢只有約十歲,最後Hillary媽媽擲下6位數字嘅投資資金,俾女兒成為CEO研發手機程式及管理生意。

 

(HK01)