喺娛樂圈中堪稱「凍齡型爸」嘅關禮傑,雖年屆57歲,但就算拍埋去兩位分別24歲及18歲嘅千金隔籬一樣後生!而兩位千金同樣遺傳咗父母優良DNA,五官精緻,愈大愈靚!

一家人顏值高,經常受到網友關注!

舊年大女關楓馨已經喺英國讀完碩士畢業,透露會喺香港搵工。

身在加拿大讀高中嘅細女關楓盈,原來已經中學畢業~

關禮傑即時舉家飛到當地見證愛女重要時刻,梁安娜仲開心到將一家四口合照上載至社交網,見關楓盈着起畢業袍散發出少女味,同家姐及媽媽似三姊妹多過似三母女!

而關楓馨雖未有喺社交網上載同妹妹合照,但就透露喺加拿大睇煙花,一家人過得好開心!

關禮傑保養得宜,他早前播出的劇集《是咁的,法官閣下》的律師角色,被網民封為「美魔男」,原來他有一套養生秘訣!他之前接受訪問時提過被囡囡影響現時成家都茹素:「自己都食素一年,但有時做嘢出去食飯都好難避免,都係盡量配合。食咗素之後覺得個人冇咁『墜』,輕盈咗。」

現在更完全戒吃肉改如茹素,加上他定期踢波,半百大叔一樣「型」得起。

(綜合報道)