47歲康華10年不拍拖,獨力照顧年過80歲、體弱多病的父母,是圈中超級孝順女。

康華單身十年,全因貼身照顧患有心臟病的父母,更推掉兩部達7位數的內地劇集!

其父患心臟病,幸而最近病情好轉,血含氧量回升合格水平,對康華而言可謂一大喜訊!

雖然忙於拍攝無綫劇集《大醬園》,但她百忙中仍抽時間陪父親到戶外曬太陽,並陪伴做運動。

她協助父親完成兩組有助加強心肺功能的簡單動作,同時助其提升信心,期間見父親露出鮮有的笑容,大感安慰的她一時感觸,幾乎落淚。

康華事後受訪,透露84歲的父親病情有很大進步!

「之前去洗手間都唔得,行唔到,手、腳震晒,要瞓床,但最近情況好轉,血含氧量合格,我先夠膽帶佢出嚟曬吓太陽,做吓運動!」

有見父親久病臥床,她深明病向淺中醫的道理,呼籲年輕人及時就醫,並說:「以前阿爸做好多份工,捱壞咗,個肺纖維化,但嗰時又冇理,搞到年老多病時,其他機能就負荷唔到。(只得你照顧?)我開工就有媽媽同工人照顧,媽咪都有心臟病,個心臟開合唔好,成日要驗血,又要食薄血丸,不過佢冇事時都照顧到阿爸。阿媽好貼心㗎,朋友讚阿爸好命水,有個咁錫佢嘅老婆,照顧周到!」

(綜合報道/on.cc)