藝人歐陽震華(Bobby)最近為處境劇《愛.回家之開心速遞》客串,眾人以古裝打扮亮相,劇中講述由許思敏飾演的群姐十分喜歡Bobby。

問到群姐見到Bobby是否心花怒放?她笑言:「係,我簡直唔記得對白,都唔識得講。」Bobby稱不用劇透,但今次會有少少動作及血漿場面,總之幾激烈…

「我平時天熱通常做啲涼爽啲嘅嘢,不過今次返嚟拍,見番啲舊同事都非常開心,群姐喺《愛》係我超級粉絲,佢真人都係(我嘅粉絲),成日拎住我個紙板公仔出嚟,我都拍過條片畀佢。」群姐坦言收到的時候開心到睡不着。

Bobby續說一直希望可以面對面跟群姐對戲,又指難得《愛》的編劇如此賞面,在劇中不時提起他的名字:「今次當圓咗群姐一個夢,之前成日都畀粉絲網民問我哋幾時有合作,我自己同珍姐(曾勵珍)主動講想返嚟客串兩集,佢諗咗一排,以為我講笑,第二次返去聽下一套劇嘅古仔嘅時候,我再問珍姐,終於成事。」


講到今日的場口,他指兩人會飾演一對,他會挨在群姐的懷中:「我做祝枝山,佢做名伎。今晚會拍妓院戲份,佢會跌落我懷中,所以群姐會吊威吔。」群姐即補充說自己賣藝不賣身。講到處境劇,Bobby稱上一部拍攝的處境劇已是1991年的《卡拉屋企》:「今次《愛.回家》寫我好過癮,滿足到觀眾要求,因為係做番我真人。」他又指年尾為無綫拍攝新劇,是一套警匪片,飾演警察與萬綺雯合作。

 

 

 

 

 

(on.cc)