藝人湯盈盈帶同大女出席活動,盈盈透露一家人剛從加拿大返港,大女返港後身體不適:「當時凌晨四點幾,佢話覺得肚痛,我話你係咪肚餓,所以畀咗啲麵包佢食,點知佢又嘔又發高燒,我即刻帶佢去睇醫生,佢尋日已經好番。」

問到母親節如何慶祝?盈盈表示沒有收到女兒送的送物:「因為以往都係學校教整禮物,佢之前去咗加拿大冇返學,所以冇禮物。(老公錢嘉樂代囡囡同你慶祝?)佢請我食飯,同埋奶奶、佢家姐一家人食飯,佢負責招呼晒我哋班媽咪,佢好開心,只要唔使陪我哋行街就得,請食飯冇問題。」

她指老公之前去了西班牙拍電影,買了名牌手袋給她,令她十分開心:「佢好耐冇買過手袋畀我,我之前冇叫佢送,而且佢仲買咗我鍾意嘅款式,所以好感動。(佢係咪做錯咩事?)依家呢啲嘢好敏感,我唔會畀佢搭的士。」

相關新聞:【母親節星媽們點過?湯盈盈陳茵媺陳自瑤齊晒照畫面超溫馨啊】https://bit.ly/2E2rcJm

(on.cc)