藝人惠英紅在無綫劇《鐵探》中演總警司「萬晞華」不擇手段,不停被觀眾鬧「老毒婦」,但越鬧越精彩,結局篇收視近30點,其毒爆演技更大有機會問鼎今年年尾的無綫「視后」。今時今日的她雖然攞過多個「影后」,但「視后」滋味倒有興趣試試,並笑言獎座櫃未滿!

她坦言亦多了不少粉絲:「好多人都話我做得乞人憎,但佢哋好鍾意,好耐冇呢啲咁乞人憎嘅角色。」她笑言日前拍攝時有警車不停在其附近徘徊,原來對方想找機會跟她合照,直言不少人都想找她集郵。

對於網民撐她做視后,她坦言:「我冇得話事,要睇緣分,如果有會好開心,我會盛裝出席。(有冇信心?)依家時間尚早,唔知之後有咩劇,睇埋先,睇吓有咩對手。」

對於劇集開拍前傳或續集,她坦言反而想原班陣容開過一個新故事:「因為呢輯好多人都死晒。(再拍做好人定壞人?)好人唔易做,衰人易啲,比較搶鏡,我想做衰人,我個人唔衰就得。(監製有冇搵你傾拍新劇?)有,但睇劇本,同睇吓我個期。(你幾時有期?)有好劇本就有期。(有獎有期?)我睇劇本。(搵小鮮肉同你合作?)我唔介意有冇小鮮肉,我睇有冇好對手。」

新劇角色被觀眾鬧得興起,但惠英紅笑言想大家鬧少個「老」字!對於老,未嫁的她總有點介意,事業上贏了不少獎項,但感情空白總有點遺憾,身邊好友林建明為她着急,但介紹的都未合心意,姊弟戀又怕如湊仔般度日,她苦笑指試過同後生仔拍拖卻有被過橋抽板感覺,如今寧願找位阿叔來照顧!

其實想被照顧,很大原因是惠英紅在過去的事業掙扎過程中已太累了,她在訪問中直言嘗盡白眼,就算演得好都被嫌棄,因為未紅時會被覺得戲太搶,害了主角而要刪對白,更試過被演員覺得配不起而相當難受,加上事業不如意,一度自覺無生存價值而尋死,幸好最終平安無事,她苦笑指過往經歷,正好用來演繹往後的各類型角色!

 

 

 

 

(綜合報道 / on.cc)