梅小惠、江欣燕與阮兆祥老友鬼鬼,工作以外三人經常相約飯局見面。不但如此,連三人媽咪也十分熟絡,子女們每有聚會,三個媽咪也會出動,近日小惠和祥仔等人索性成立了「媽媽薈」,讓媽咪透過聚會可以認識更多朋友,認真孝心。

去年底行姐陳彥行也帶媽咪加入了「媽媽薈」。

今個星期日就係母親節,日前眾人齊集約埋一大班媽媽飯敍,齊齊慶祝母親節!

小惠將照片放上社交網,留言說:「媽媽薈又嚟喇,各位媽媽母親節快樂。媽媽們開心仔女更開心。」

相中見咁多位孝順仔孝順女各自同媽媽合照,而阮兆祥仲帶埋拍拖18年嘅女友Crystal出席,佢哋送花之餘又送上各樣零食乾糧做小禮物,相當有心!

至於江欣燕更素顏上陣,在媽咪在老友面前又豈怕以真面目示人?

(綜合報道)