89年港姐季軍梁佩瑚(阿Bel),16年跟蒙古地產商人郭雲飛閃婚,兩人婚後更甜蜜,轉眼便結婚三周年,為慶祝「皮婚」,他們昨日飛曼谷過二人世界,順便去打高爾夫球。

阿Bel昨晚在社交網貼相放閃,她留言:「曼谷慶祝結婚三周年,情書、晚飯、甜品,小提琴…..」

相中所見,除有二人撐枱腳食好西,還有一張用紙巾寫的情書,上面寫了:「親愛的老婆,時間真快,轉眼三年,愛你不變,一直到老,老公Tiger, 2019.4.24」嘩,這封情信真的冧爆。

《蘋果》今日聯絡阿Bel,她開心接受祝福:「多謝晒,我哋呢次主要嚟泰國慶祝,順便打吓波。」問到收到甚麼慶祝禮物?阿Bel表示結婚後不求物質,兩人開開心心最重要:「收到佢封情書,同米芝蓮晚餐囉。」

對於老公郭雲飛的「紙巾情書」,阿Bel甜絲絲說:「佢喺飛機畀我,噚日早機,我一上機就瞓,瞓醒呢封嘢就放喺我身上。」蒙古老公原來好浪漫,阿Bel即加許:「OK喇,佢好單純㗎!」

(apple daily)