黃心穎一家的圖片搜尋結果

無綫小花黃心穎驚被爆背男友馬國明,與「人夫」許志安喺的士車廂中偷情,片段更流出!片段開頭見安仔、心穎和男友人坐在車廂後座,男友人堅持先送心穎返屋企,而本來戴上黑色口罩嘅心穎疑似爆粗反對,似乎有啲醉意!

安仔都支持心穎先送男友人返屋企,一面冧爆嘅心穎搣咗安仔耳朵一下,疑再向男友人爆粗安仔即叫司機開車往大坑,跟住又翹實安仔左臂,兩人又不時摸手仔,心穎更除下口罩多次向對方獻吻!

未幾,男友人抵埗落車後,安仔同心穎異口同聲向司機表示:「鯉魚門(心穎住址)」!最後淨番兩人嘅時間,心穎立即隔住口罩咀咗安仔一啖,10秒後仲索性除口罩攬住安仔咀嘴,表現非常主動。

雖然由大坑到鯉魚門10多分鐘車程,但兩人連環激咀逾20次,心穎猴擒攬住錫許志安高達15次,在熱情攻陷下安仔再做主動錫錫9次,當中兩人不乏十指緊扣,又摸吓大髀,十分㷫合合!而較為被動嘅安仔期間愈坐愈低,似乎擔心被隔鵻籬駛過嘅車發現。

睇番兩人衣着,同心穎喺IG今個月3日上載嘅照片一樣,兩人當晚係同方力申、劉浩龍、梁漢文、丁子高等食飯。

而喺上年10月,兩人曾為慈善晚宴合唱《會過去的》,並手拖手、對望及擁抱。

事後心穎晒出合照:「好記得某年暑假、車上不停loop住《一步一生》呢首歌、當時嘅我點都唔會估到十幾年後會有機會同安仔在台上合唱。世事真係好微妙。仲係人生第一次踏上紅館的舞台!Thank you 安仔好好咁不停同我地(哋)rehearse。」

之後黃心穎IG已經關閉咗留言功能。

此外,心穎去年11月出席活動,更刻意選唱在歌迷心目中,永遠屬於安仔和Sammi的歌《唯獨你是不可取替》,擺明是隔空唱給安仔聽。

據知,跟安仔很親近的老友,早已發現「安心」眉來眼去,但因為大家跟Sammi相熟,多一事不如少一事,都當作視而不見,而安仔亦相當小心,有其他人在場一定跟心穎保持距離,亦沒有follow她的IG,相反心穎不但follow了安仔的IG,還會在安仔IG留言,就連身邊朋友上載安仔的相片,心穎都會主動留言,絲毫不放過跟安仔傳情的機會;今年2月,安仔在IG貼了一張單人相及寫「演唱會第一個meeting」,心穎亦極速回應:「服務第一。有機會嗎」之後還加了幾個笑到流眼淚的emoji,但安仔就避嫌未有回覆。

安仔和心穎都各有另一半,但二人見面次數都頗密,自2019年開始,除了2月份農曆年,加上心穎要為《法證先鋒4》趕開工沒見外,她和安仔每個月都會見面,甚至1日1 日元旦、1月23日心穎生日,安仔亦陪在身邊,3月、4月都有約會,可見她在安仔心目中的地位絕對不輕。

相關新聞:

【瘋傳黃心穎與許志安出軌】馬國明今午曾發文…  https://bit.ly/2PdjLmM

【心穎關閉IG留言功能】家姐黃心美:許志安?https://bit.ly/2ZcX9Ye

(綜合報道)