無綫處境劇《愛.回家之開心速遞》裏面人氣極高嘅「龔水」CP喺早排白色情人節終於咀嘴「派糖」,正式一齊!

仲玩埋地下情,真係好Sweet!

「熊若水」呂慧儀呢日PO咗一張同「龔燁」張景淳攬攬嘅相。

驟眼望落好似好Sweet,但佢自爆可能會同「龔燁」成為套劇最快講分手嘅情侶!

呢句驚人發言嚇到班觀眾個心離一離,仲有人求編劇唔好咁狠心…

之後呂慧儀又喺社交網加碼上載一張被張景淳「壁咚」嘅相,佢留言:「要追水水需要好大勇氣,最後威龍男子組死士們都死光了,剩下一個叫『有龔駛盡利』。一個壁咚,雙下巴跑出來了。」

睇嚟佢哋呢條感情線仲刺激過過山車,心血少啲都受唔住!

(綜合報道/on.cc)