蔡少芬與老公張晉於2008年結婚後,先後誕下大女張楚兒(湯圓)及細女張信兒(包子),二人一向都視兩位囡囡為心肝寶貝!

昨日係包子嘅6歲生日,兩公婆為女兒搞咗個生日派對,又準備咗個靚蛋糕~

蔡少芬喺社交網曬出女兒生日會嘅照片,佢留言話:「6年前的今天,我們這個家出現了你,一個可愛活潑開朗聰明的小麻煩,讓我們有加加加倍的笑聲!感恩有你!我們的小包子生日快樂!」

真係有了你開心啲,乜都稱心滿意呀~

相中見到現場佈置及包子嘅生日蛋糕均以藍色為主,又有不少氣球裝飾,壽星女獲父母及家姐錫錫祝賀。雖然蔡少芬只是貼出一家四口合照,但相信該生日會還有很多其他小朋友參加。

而張晉除了負責拍下生日會盛況之外,亦轉發了老婆的微博,並留言:「這就6歲了?信兒你長慢點兒,爸爸捨不得。」

一家四口真係Sweet到漏!!

(綜合報道)