他相隔5年後回歸「娘家」無綫,舉行名為「HOMECOMING」記者會,並會與星夢娛樂合作,歌影視全方位啟動,而無綫高層杜之克、何哲圖及余詠珊到場支持。

現場播出他過去在無綫演出的經典作品及獲獎片段,隆而重之賀他回歸,無綫更送上金鑽TVBuddy和金咪祝賀。

在台上的林峯對重返大家庭坦言心情很久未試過如此激動,不能用言語可表達出來,他謂多謝杜生和何生,稍後會有個合作Project,希望大家看到他的出身地方有好作品。

林峯受訪時坦言在離開無綫後,每當經過街上見到有無綫的外景車甚至新聞車,都會上前看看可有認識的同事,而好多幕前幕後的同事都會問他何時回來。問到是誰召喚他回巢?

他坦言是杜之克:「喺機緣巧合之下,杜生搵我,同我傾咗一個project,我覺得好有興趣。至於Project係乜?詳情之後再公布。」回歸拍劇還會開演唱會?林峯透露:「有計劃喺2020年開演唱會,趁自己仲跳得唱得,你知我演唱會需要好大體力,都要開始儲新歌,今年會喺內地開巡唱,5月亦會澳門開,作為2020年個唱熱身。」

重返娘家目標是攞「視帝」?林峯表示:「唔好嫌我老土,攞獎對我嚟講唔係最看重嘅嘢,身為演員寧願自己所演嘅角色今人記得,希望可以成功塑造更多角色,我係一個需要過戲癮嘅人,我始終都拍咗20年戲,一直希望尋求突破和新嘗試。」問到是否想重奪「最受歡迎男歌星」獎?林峯猶疑一刻。唔想攞?他笑言:「畀梗係要啦!」他稱現已開始收demo,為新歌準備。

提到酬勞是否很吸引?林峯大方說:「呢個當然係其中一個條件,係友情價、回歸價,因為返娘家真係好開心,好掛住所有同事。」講到以前和他合作的女主角差不多嫁晒人,要和新一代女藝人合作?林峯表示:「等無綫安排, 最緊要切合到個Project嘅角色。」對於又傳他結婚,林峯再次強調…

 

若工作上的問題,大家「打橫問」都沒問題,但其他私人問題就不回應。他解釋以前覺得講少少都無傷大雅,但發覺就算只是小小一部分都會被放大,甚至被蓋過,對花不少心血和心機製作一個作品的台前幕後很不公平,所以希望將視線轉回正常軌道。

 

 

 

 

 

(on.cc / appledaily)