藝人周家蔚同老公洪天明相愛相交多年…

呢日係佢哋嘅結婚7周年大日子,天明就同太太去咗張敬軒嘅仙后餐廳慶祝,二人邊食美食邊聽歌,共度一個難忘嘅晚上。

 

兩公婆悉心打扮慶祝大日子,家蔚着咗條星星裙而天明就着咗靚仔西裝,兩個面貼面合照,相當恩愛!片入面仲見到家蔚搣老公面珠,sweet到爆呀!

佢仲向老公發表愛的宣言:「7年啦老公!我愛你!」呢番嘅表白真係隔住Mon都感受到佢哋嘅濃濃愛意,唔知天明又有咩表示呢?

 

 

 

 

(綜合報道 / on.cc)