「本來呢個消息我想等佢自己宣布,佢亦諗住喺我就嚟生日(23號)時畀個surprise我,舊年佢哋已經訂咗婚,等過咗盲年先,先搞婚禮,始終都係想佢哋好。(何生知道未?)知道啦,何生好開心,佢仲豎起大拇指祝福佢哋!」

賭王何鴻燊四房長女、現年28歲的何超盈去年11月帶男友Thomas Xin出席大馬富二代陳雪鈴的日本婚禮,大方向友人公告戀情,而四太亦表示見過她男友,並大讚對方好男仔。

而超盈之後在澳門搞的藝術活動上,就尷尬避談男友,只甜笑承認已找到幸福。日前,超盈就被傳媒影到她與四太去了中環飲下午茶,相比上年底出席活動時,她明顯體型有大變化,包包面更以大褸遮肚,席間胃口驚人,之後就與一眾auntie,當中包括丁毓珠、即維多利亞幼稚園創辦人最為密密傾,之後更齊齊去名店shopping,惹來大肚嫌疑,而三太陳婉珍昨日下午在養和醫院被問到此事時,亦不願多提,叫記者問返當事人。

昨日下午,《蘋果》就直擊超盈現身中環開餐,大概二時許,避過了多人流的午飯時間,獨自現身ifc,到一間法國餐廳攞位,當時她身穿粉藍條紋大被肩包到實,戴上了黑色口罩,坐在餐廳時先閉目養神,之後玩手機,相隔數分鐘後,四太梁安琪就帶住老工人現身。

 

期間,餐廳經理安排調坐位,四太即緊張起來手指指,超盈就慢慢起身轉位,明顯看到她身型脹了不少。

之後,她等到食物送來時,才除下口罩,目測她胃口不錯,不時與四太傾談。

三人大概進食了一個小時,就埋單離開,往四季酒店方向行去,四太警覺性相當高,不時周圍張望,最後行到去酒店上了七人車離開。

由於超盈近月的「幸福肥」,引來外界揣測,據四太身邊好友透露,近日她心情相當開心,透露何家有喜事,她將榮升做婆婆,估計超盈已有喜3個月,她才敢將喜訊與友人分享,而《蘋果》就問過超盈好友、仁濟前主席嚴玉麟囡囡嚴紀雯、林建岳千金林心兒及三房千金何超蓮,但眾人都未有回覆,不過據一位不願開名的閨密就踢爆超盈其實是雙喜臨門,指她早於去年9月生日時已訂了婚,收了男友Thomas訂婚戒指,當日四太亦在場見證。

    

而她亦在IG貼了當日生日相,但就未有貼對方相片,只由嚴紀雯「代」男友送上訂婚戒指,而超盈亦笑晒口Say Yes,當時她在IG以英文留言表示:「第一部份和我的好朋友一起,感謝帶回那個微笑,祝願今年我真正想要的一個祝福,只有你們才能得到它,這是一個承諾。」,所以她身邊的閨密早已知她訂了婚準備做人妻,到近日她再致電好友,透露喜上加喜的消息,就是今年將會做準媽媽生豬B。

昨日,超盈在中環出現時,記者就發覺她的左手無名指上戴上戒指,估計就是Thomas於9月時送給她的訂婚戒指,而目測此訂婚戒指至少有四卡重。

此外,超盈今日就有更新她的IG story,貼了一張高踭鞋的相片,亦轉寄了嚴紀雯在泰國舉行的bridal shower限時動態,她就留言:「Sorry but I’m sure u all loved the surprise! Vips」,更笑言安排了泰國警察開路,送給嚴紀雯所搞的閨密派對禮物,相信已有BB的她都不便出埠同姊妹盡興。

這個喜訊終於得到超盈媽咪四太梁安琪證實:「本來呢個消息我想等佢自己宣布,佢亦諗住喺我就嚟生日(23號)時畀個surprise我,(咁佢有咗幾多個月?)呢啲等佢自己講啦,(咁佢有咗你幾時知?)我唔係知咗好耐咋,因為佢之前去左美國一段時間,返咗嚟之後,我見佢肥咗,我仲叫佢減肥,點知佢就話:『我總之會畀個surprise你啦』,我即時就明咗啦。(係仔定女?)未講喎,(好滿意呢個女婿?)佢真係幾好,我替我個女開心,佢係一個上進青年,對我個女好好,佢哋兩情相悅,(咁會送咩禮物畀佢哋呀?)我等緊佢哋送禮物畀我,生日畀個大surprise喎,我等緊,佢哋可能買間屋畀我呢,我講笑咋!(咁怕唔怕啲人對於你個女未結婚就有BB會非議呀?)因為今年係盲年,我信呢樣嘢,唔想佢哋結婚住,況且舊年佢哋已經訂咗婚,等過咗盲年先,先搞婚禮,始終都係想佢哋好。(何生知道未?)知道啦,何生好開心,佢仲豎起大拇指祝福佢哋!舊年超盈訂婚之後,去探爹哋嘅時候畀佢睇手機入邊嘅訂婚片段,當時何生好開心。」

而超盈亦回覆東網表示:「係開心事,總之我都係話有個surprise畀媽咪,到時大家唔使估估吓,仲有乜嘢你就問我媽咪啦。」據知超盈有咗剛剛過咗3個月,會於年底誕下豬年BB。

其實,何家今年真的喜事連連,日前三房孻仔何猷啟自爆與國產女友GiGi已在海外結婚,雖然三太陳婉珍亦有見證,不過事後傳媒問到她對新抱印象如何,她就有點面燶燶不悅。

(綜合報道)