鄭嘉穎同陳凱琳嘅囝囝Rafael出咗世喇!昨日佢哋仲曬出Rafael照片同大家報喜!

雖然得個側面睇,但都好得意!網民仲大讚B囝好靚仔~

東網搵嚟堪輿學家陳子才分析Rafael命格,他說:「Rafael五行屬陰水,代表乖巧機靈,聰敏過人。整體命格外向好動、剛強好勝、體格強健,有運動員潛質,同時由於表達和表演能力強,有藝術細胞,故將來不排除亦會在娛樂圈『搵食』。」

有運動員潛質,而鄭嘉穎同陳凱琳亦幫囝囝改咗個英文名叫Rafael,靈感應該係來自有「泥地王」之稱嘅網球運動員拿度(Rafael Nadal),睇嚟真係可以培養囝囝做網球王子!

陳子才又指小朋友命格「父星」為喜,代表旺父,父親對他的影響尤為重要。陳凱琳命格旺生「男孩」,相信在2020及2021年再添一名弟弟的機會較高。

唔知會唔會三年抱兩呢?

(綜合報道/on.cc)