張美妮於2013年與圈外男友結婚,一等五年,去年才如願造人成功!

陀緊豬BB嘅佢不時都會PO下相,分享自己嘅近況。

早前仲大住肚出席13期訓練班聚會,成班都好老友!

懷孕5個多月的張美妮,趁情人節在社交網宣布BB性別!

她拿着粉紅色鮮花盒,留言﹕「Happy Valentine’s Day,老公知我收到粉紅色嘅花就會好開心,love you~但佢一向好少會送公仔畀我,我問點解今次會送公仔?佢話係等B女出世,個熊仔可以畀佢玩吖!難怪啲人話囡囡係爸爸嘅小情人!#isbabygirl#女兒是爸爸的小情人#豬豬女」。

美妮今日回覆傳媒時表示得知陀B女,她和老公都很開心,她說﹕「我哋都鍾意女,我妹妹都生咗囡囡,我哋都好friend,所以感受到好sweet。」問到會否考慮追仔?她說﹕「暫時未傾到呢到,但都想小朋友將來有個伴,有兄弟姊妹一齊成長更加開心。但順其自然啦,未湊過都唔知搞唔搞得掂,現在有BB已經係好大恩賜,專注肚裏面BB先。」

美妮透露今胎預產期是6月初,老公會陪入產房,她說﹕「我都想順產呀,希望老公到時陪住我啦!」

(apple daily)