47歲嘅康華早前宣布闖入樂壇,推出Rap歌《拼火花》,發布會當日獲多位圈中好友現身支持,包括陳煒、姜皓文、陳慧珊、湯鎮業、阮兆祥、張文慈、謝雪心、梁靖琪、湯盈盈、譚小環夫婦等,幾乎半個無綫都嚟到賀!

相關新聞:
【歐陽震華胡杏兒馬國明等力撐 康華好多謝佘詩曼:都真係好唔好意思】https://goo.gl/mcLVDR 
【曾因大台「御用情婦」之稱斷送兩段情 康華直認將踏入人生大事】https://goo.gl/MaSRHg

早前康華於《流行經典50年》翻唱台灣歌手黃品源的經典歌《你怎麼捨得我難過》一鳴驚人,加上她於劇集《宮心計2深宮計》的押韻對白,被網民封為「唐代Rapper」。

好友陳煒更拍片支持康華!兩個超好感情~

但原來除咗陳煒,仲有另一個好閨蜜!康華最近拍攝緊無綫新劇《法證先鋒IV》同佢結緣,二人亦成為了閨蜜!

康華笑言:「加埋煒哥,我哋就係『三個女人一個墟』,拍劇一有休息時間,我哋就不停傾女人心事,雞啄唔斷,傾到畀導演截停,搞到我連對白都會忘記,哈哈!」

原來係鄭希怡(Yumiko)!最近她與陳煒和康華為無綫新劇《法證先鋒IV》開工。

三女日拍夜拍成為「閨蜜」,康華除了將自己的新碟送給歌手Yumiko,二人惺惺相惜,私下感情更好。

 

(綜合報道/on.cc)