晚上在將軍澳電視城舉行慶功宴筵開22席,逾五十位演員包括劉丹、呂慧儀、滕麗名、林淑敏、許家傑等出席,高層曾勵珍和樂易玲亦到場支持。

劇組一直都好有愛,成日都會同對方慶祝生日、飯聚等等,真係超溫馨!

無綫處境劇《愛.回家之開心速遞》在2018年11月27日該集7天跨平台總收視29.9點,成為去年《愛》單集最高收視,踏入而2019年1月1日該集7天跨平台總收視更達30.5點。恭喜晒呀!

劉丹自言拍《愛》舒服又開心,當然希望長拍長有,一直望拍下去,目標是劇集能拍超過1,129集,打破《真情》保持的處境劇1128集紀錄。劉丹問高層曾勵珍可以拍到1129集?曾勵珍透露劇集暫時已預計加到720集,相信拍到破紀錄沒有難度。

劉丹則透露兒子劉愷威已回港準備過年,他笑說:「佢都話想嚟晚宴,但因為冇份演,所以唔嚟得。(邀請兒子拍劇?)唔知佢得唔得閒,等我返去問吓佢有冇興趣。」睇嚟力撐仔仔出山!

滕麗名透露獲通知她最少會拍到12月,呂慧儀則高呼希望拍到2020年。滕麗名笑謂笑被老公投訴成為「失蹤人口」,所以現在已經「收爐」將與老公去旅行度歲。

林淑敏與許家傑表示去年得劇集角色帶挈,收入增加,豬籠入水,拍了不少廣告的林淑敏笑說:「收入係好咗,但係可以更加好。」許家傑亦說:「收入係多咗,由幾千蚊,到依家多咗兩倍。自己都入行10年,所以今年會派利是答謝梳頭、化妝嘅同事,預算五位數字。」林淑敏搶着說:「希望你第一封利是係畀我。」許家傑已準備好大利是給她。

林淑敏、許家傑新年也有三天假期,她指會趁假期執屋。許家傑近期同時拍攝兩劇,新年假期希望睡覺好好休息。

(綜合報道/on.cc)