藝人宣萱出席出席彩妝品牌代言活動,透露左腳早前拗柴受傷,幸好獲途人協助扶她睇跌打,她說:「呢個就係個好例子話畀大家聽,夜晚唔好玩手機,嗰晚就係我掛住玩手機,落樓梯時踏空,跟住聽到好大聲啪一聲,咁啱有位女士經過,話聽到好大聲啪一聲,問有咩可以幫到我,之後就叫個女幫手扶我睇跌打。」

雖然醫生告知需要五、六個月才復原,但宣萱期間仍需不停飛,結果患處仍未消腫,及後經朋友介紹醫生,中西合璧醫治,並以針炙及推拿方法治療:「醫生好大力推我個壞患處,幫我放啲瘀血出嚟,但我痛到不得了,不停大嗌,好彩我係當日最後一個病人,可以畀我盡情嗌。」

而下月即將為電影《尋秦記》到貴州開工,宣萱擔心屆時傷患仍未痊愈,未能應付奔跑戲份,幸好劇組願意遷就她,先拍攝文戲部分。

 

 

 

 

 

(on.cc)