劉德華嘅跨年紅館演唱會首晚華仔愛女劉向蕙,由媽咪朱麗倩陪住現身,欣賞爸爸精彩演出,成為演唱會亮點之一。

連日來到紅館捧場嘅藝人亦星光熠熠,唔少華仔老友都排住隊去睇騷,一班老友苗僑偉、黃日華、汪明荃和羅家英夫婦、李克勤和盧淑儀夫婦、林嘉欣、莫文蔚、周秀娜、姜皓文等人都有往捧場。

 
仲有仲有!就係華仔舊拍檔陳玉蓮喇~

華仔同蓮妹83年合作拍金庸經典作品《神鵰俠侶》演楊過及小龍女,雖然多年來劇集重拍再重拍,有唔少人演過呢兩個角色,但係華仔同蓮妹,喺好多人心目中都係最經典一對,無人能及。

其實,蓮妹早於11年已喺華仔演唱會出現,當年華仔慶祝入行30周年,蓮妹便以壓軸嘉賓身份亮相尾場演唱會,陪住華仔唱《情義倆心堅》。不過今次就未有上台演出,只在台下做觀眾,但亦有去後台同華仔攬住影合照。

(Apple daily)