41歲嘅視后田蕊妮(阿田)近日主持無綫節目《女人四十》,不時同觀衆分享人生觀,認爲女人四十歲才是真正的開始。

獲得觀衆唔少共鳴

同吳業坤坤哥扮姊弟戀情侶,對一段關係有更深嘅體會。

與好友卓韻芝大談婚姻觀,阿芝認爲女人嫁人唔難,但要嫁得好先最難,此話一出,即引起唔少女性熱議,甚爲有共鳴!

好友車婉婉寶貝仔BBQ亦有份「演出」,其中田蕊妮要負責湊BBQ,初時比較難搞,可能因爲知道媽媽唔喺身邊,所以BBQ成日喊。到最後阿田成功氹返BBQ,仲同阿田錫錫!

阿田最近因爲節目大受歡迎而再度紅爆,連同老公杜汶澤(阿澤)亦惹嚟網友熱烈討論。

有傳老公阿澤曾破産,更加要老婆幫佢還債,就此阿田就喺Instagram發文回應。

她表示:「我真的要澄清是以前的資料有誤……我老公真係冇破過産!至於賭錢都只是他入行前的歷史!我亦沒有幫他還過任何賭債!」

「我承認我是一個好老婆但未至於好到咁!哈哈…呢個光環實在太大,亦對杜先生不太公平吧!最後衷心感謝各傳媒與觀眾們的厚愛。我會繼續努力!因為女人四十才是一個女人的真正開始!」

 

 

(綜合報道 / ig)