藝人李麗珍出席李居明新片《豬年運程》首映,對於被指該片乃其復出之作,珍妹聞言即否認,表示閒時也有客串電影,更指今次為電影到日本拍攝,過程似足遊埠,問到李師傅有否贈言幾句?她謂:「成日都有,都係話明天會更好,明年會更好。」

談到女兒尚有兩年便大學畢業,珍妹坦言現時正處於十字路口般:「因為就嚟可以甩難,咁之後應該係退休定繼續拍戲?定係揀發展畫畫興趣?我仲諗緊。」

更指女兒已拍拖,亦見過其男友,印象尚算不俗,惟對方生活在香港,故二人要展開遠距離戀愛。

問到女兒有否也着她拍拖?珍妹謂:「又冇,我都唔覺有人追,感情事隨緣啦,唔想刻意去諗(舊愛潘源良都結咗婚啦!)希望佢開心,不過我哋都冇聯絡,如果有嘅話,都唔會唔知佢結婚啦!」

舊愛潘源良

 

 

 

 

(on.cc)