藝人張文慈(Pinky)由亞視過檔無綫後密密拍劇,最初參演《老表,畢業喇!》,亦喺《宮心計2深宮計》飾演「四司」之一嘅「汪司膳」,有一場獨腳戲令人眼前一亮!

之後喺《跳躍生命線》飾演「麥在田」馬德鐘姐姐「麥愛花」,於網上當KOL (key opinion leader),爲求賺錢甚是博命。

演技大爆發,獲網民大讚!仲話睇到好感動。。。

而佢近日忙於客串演出《法證先鋒IV》,戲中她將於米雪及謝賢大演對手戲,令她相當雀躍。

突然於社交網站上載呢張相,嚇到成班朋友立即追問:「發生咩事?嚴唔嚴重?」

原來只係劇照!日前拍攝一場受傷戲時,佢嘅造型幾可亂真。

事後才知「玩大咗」嘅佢急急澄清,佢留言:「希望只係拍戲先有呢啲情形,現實生活就真係大吉利是喇!今次係我首次登上救護車,對樣樣儀器好似氧氣罩等等都覺得好新鮮,同埋嗰日講我喺條斜路被抬上車,都擔心會碌咗落去,好彩有驚無險。」

(綜合報道/on.cc)