藝人張衞健、洪永城、曹永廉、蔡思貝和楊秀惠等現身電視城,為即將推出的劇集《大帥哥》宣傳。無綫兩大高層樂易玲和曾勵珍現身撐場外,有關方面更請來樂隊及軍車接載張衞健出場,期間又舞獅點睛,足證他的地位。

張衞健於台上感性表示:「由開機嗰日開始,我已經唔捨得,因為唔知幾時再用廣東話拍劇,有可能係明年,亦有可能never again!」他接受訪問時說:「頭先我真係眼濕濕,因為真係唔知幾時再拍。有其他唔係娛樂圈嘅工作等我做,包括慈善及教會嘅事。」

對於今次返港拍劇,他形容為「還畀觀眾」:「當年我拍完《西遊記》就走咗去,好似不辭而別咁,所以好想再拍番一套劇畀大家。(對收視有信心?)冇理講呢啲,因為拍嘅目的唔係為呢樣。(唔再拍好可惜。)我話1年1部嘅話,大家都唔珍惜啦,少食多滋味,等同如果我拍得多,自己都唔珍惜表演機會啦。」

(on.cc)