現年44歲嘅森美最近又拍劇喇,連日都為新劇《過街英雄》開工嘅佢日前就喺中環拍攝,仲拎住盒牛腩飯自拍,佢話:「有咁嘅背景 真係食景都值回票價!」

點知大家都將重點放咗喺佢個樣到,事關年過40嘅佢皮光肉滑,皺紋都唔多條,連「豹嫂」胡蓓蔚都好葡萄,留言問佢:「請問用咩護膚品?」

仲有好多網民話佢:「多咗啦」、「請問用咩美肌軟件」、「P圖過度喎😝😝」被網民洗版「圍攻」嘅佢,忍唔住反擊話:「你睇咗啲牛腩咁多紋都知我冇p圖啦!」

而佢喺電台開咪時都話畀豹嫂問一問,自己都驚一驚,睇吓啲牛腩有冇紋先!

(on.cc)