今日11月11日係光棍節,你有你單身,我有我開心,藝人林嘉華就喺社交網大曬恩愛,原來呢日係佢同太太劉寶珍結婚34周年紀念!

林嘉華之前接受訪問時都流露出對太太嘅愛意,當時二人專登一齊返港慶祝聖誕節:「太太都返咗嚟,所以可以一齊過,係我想佢同我一齊,呢十年唔想分開,加上個仔大啦,冇所謂!」

兩公婆提早喺加拿大多倫多慶祝,因為林嘉華要趕返香港工作,曾經講過當老婆係女朋友嘅佢就大講愛的宣言:「34年前的承諾,我倆到今天仍然堅守!多謝太太一直支持及無盡嘅付出!Thank you very much… LOVE YOU❤」真係超Sweet啊~

陳志健都留言恭喜佢哋,而網民都大讚林嘉華係好老公呀!

(on.cc)