尋日係郭富城53歲生日,佢經理人小美幫佢喺前晚搞生日party慶祝,仲請埋城嫂方媛(Moka)、好兄弟沈嘉偉同張智霖等為佢慶祝。]

城城噚日喺微博亦破天荒貼夫妻合照。

咁多好朋友同合作團隊同佢慶生,當然令得佢好開心。

噚日正日,城城就留番俾老婆同囡囡,一齊去咗一間酒店食生日大餐。

今日Moka擺咗兩張噚晚為老公食飯慶祝嘅相上Ig,一張係一家三口全家福。


不過為咗唔想個女曝光,佢專登搵公仔遮住囡囡塊面。相中兩公婆一齊攬住個女笑晒,幸福甜蜜。Moka為城城準備咗生日蛋糕,個蛋糕都整部跑車喺度,相當貼心。


一張係喺前日生日會嘅二人合照,Moka小鳥依人咁挨實老公甜到漏!

仲有一張係Moka為城城準備嘅生日蛋糕,蛋糕上仲有架跑車!

(Apple daily)