藝人鄭嘉穎與陳凱琳(Grace)婚後依然恩愛,仲成日形影不離。

日前兩人分別喺社交網站放閃,原來佢哋一齊去咗上海睇網球賽,欣賞網球天王費達拿(Roger Federer)對日本嘅錦織圭賽事!

兩公婆除咗喺觀眾席合照,嘉穎仲好大膽咁喺老婆面前講鍾意第二個人,原來就係費達拿,見佢仲攞住偶像畫報影相,不過竟然一面尷尬,原來係畀老婆「逼」,佢笑言:「沒錯,我就是喜歡他,但他的fans要我抓著(着)他拍照,我就真的有點…(加咗個滴汗表情公仔)。」

網民都大讚嘉穎好幽默,係另類放閃呀!而陳凱琳就表示首次睇二人對賽,覺得好精彩!

(on.cc)