藝人江美儀於2005年與吳君祥拍拖,惟近年吳君祥到內地發展,江美儀經常形單影隻,二人昨日(5日)終開腔承認已分手兩年,11年情告終!

消息一出,不少人都戥他們可惜,一向疼錫江美儀的吳君祥父親夏春秋(冬叔)亦指對兩人分手感愕然。

接受訪問時,更驚爆兩人曾註冊結婚:「我都係早一、兩個月先知,好可惜,最近一次見面係今年年初,美儀爸爸生日飯敍時見過。佢哋2006年喺西雅圖結婚,分開咗好可惜,美儀好好,一向對我哋都好有心。」

江美儀雙親原來一直喺西雅圖居住。

對於冬叔突然爆料指已婚,江美儀回應說:「吓?結婚?冇喎!佢係咪記錯呀!」身在內地的吳君祥亦即時澄清:「爸爸搞錯咗喇,冇呢件事。」

 

 

(on.cc)