Happy Birthday!昨日係《珠光寶氣》個Constance……啊唔係,係黎姿(現名:馬黎珈而)嘅47歲生日。

黎姿昨日喺Instagram同微博等社交網站分別貼相,並簡單留言話:「多謝老公和好友們和我一同度過一個開心的晚上。」佢放嘅相都好簡單,分別係生日蛋糕、壽星女and生日蛋糕,以及(最重要嘅)壽星女and老公。

其實馬廷強在08年與黎姿註冊結婚以來,兩人好少一齊出席公開場合,而近日黎姿有玩社交媒體都好,頂多都係放3個寶貝女嘅背影照。

馬廷強鮮有出鏡,今次因為老婆黎姿生日先「現身」。

雖然張相暗咗啲,但睇得出黎姿同老公都好開心、好sweet!

不過啲相就唔見黎姿嗰3位千金,唔知佢哋送咗啲咩俾媽咪呢?

(蘋果日報)