藝人黃一山(細龜)早前憑綜藝節目《點解咁好笑》和《笑聲救地球》而彈出,其後更夥拍周星馳拍攝多部經典電影,包括《逃學威龍》、《唐伯虎點秋香》、《破壞之王》等等,他在戲中的喜感更讓觀眾留下深刻印象。

這天,細龜重返母校香港中文大學,除了細訴以前在大學時代的點滴外,他更大講拍戲時的趣事。雖然細龜予人感覺搞笑樂天,不過在快樂的背後,原來他的大仔患上了罕見疾病「腦白質發育不健全」症,這種病除令他不能走動外,嚴重者更會變盲,甚至死亡。

對於囝囝患病,細龜沒有自怨自艾,反而更說:「我覺得照顧人係一種福氣!過多十年、八年,我都唔知仲喺唔喺呢個世界,如果我個仔都差唔多呢個時間離開,我覺得係一個幾美滿嘅結局,大家一齊講拜拜,可以有個伴。」他又為自己的人生評了九分,他說:「係個仔嘅情況影響咗,如果唔係就會係十分,我要求唔係太高,要求係每日開開心心,可以日日飲汽水,咁人生仲有咩要求?」

大批網民熱議並說令人動容及催淚,更盛讚黃一山的積極樂觀。

細龜接受東網訪問時,對於想與告別兒子的想法成為熱話,他說:「其實我都年紀大,體力都下降,依家連抱佢都冇力,因為過往成日抱,手腕都勞損。如果我走先,留低個仔冇人照顧咪仲慘!一齊走其實唔係壞事,唔想留低佢一個咁孤單。」

人要活得開心

兒子八歲開始被確診後,黃一山一家未有放棄,不時一家四口周圍遊玩以享天倫樂,他說:「雖然個仔睇落好似好慘,但我哋都適應咗已經有一段好長嘅時間。平時見到好多病人,相比之下,我個仔唔係咁災難。我好珍惜同個仔相處嘅時間,因為都唔知大家幾時走,所以要活在當下,好好珍惜,要活得開心同精彩,其實喺香港已經好幸褔,冇天災冇打仗,唔會冇啖好食。人要活得開心,否則會有癌症,因為每個人都有癌細胞數,如果唔抑壓反而噬番你轉頭。」

仔仔拎過賽跑冠軍

他續說最近兒子覆診時,醫生告知兒子是因後天基因突變:「腦有白質同灰質,各佔一半,冇灰質就係老人癡呆,冇白質就等於我仔咁,早期病徵係手震、行唔到直線,再差啲就要坐輪椅。」

他早年說過兒子讀幼稚園時一切正常,曾拿賽跑冠軍,直到上小一時出現手震及記憶力下降。

(on.cc東網)