潘源良同李麗珍四度離合,潘源良昨日被揭日前喺加拿大多倫多再婚,珍妹同樣亦喺加拿大居住,不過就同阿源一東一西,珍妹身在溫加華陪個女許倚榕讀書。

李麗珍多段感情中,最為人注目係同潘源良,佢兩個1986年合作電影《戀愛季節》相愛。潘源良當年喺新藝城做幕後,與新藝城力捧嘅「開心少女組」成員李麗珍唔同組,從來未有見面嘅機會,直至86年潘源良搵珍妹合作電影,兩人好快就撻著。

及後潘源良離婚,但與李麗珍未有發展。到咗1992年兩人再聚,當時潘源良計劃離開香港,分手告終;至2007年又再次碰面,再度復合,至2016年初分手。據傳分開理由是珍妹與前夫許愿所生的19歲女兒許倚榕,一直不接受潘源良。

著名詞人潘源良與李麗珍,由1986年《戀愛季節》開始,足足橫跨三十年,直至2016年6月宣佈第四次分手,緣份已盡。

潘源良昨日宣佈在加拿大多倫多再婚。(相關新聞:https://goo.gl/sKFQ53
 

事有湊巧,原來珍妹同樣亦喺加拿大居住,不過就同阿源一個喺東,一個喺西,珍妹身在溫加華陪個女許倚榕讀書。《蘋果》記者透過李麗珍好友聯絡珍妹,欲問佢對潘源良再婚回應,但珍妹透過友人表示:「不回應,謝謝。」

 

 

 

(apple daily)