她還透露面癱以致眼睛不能閉合,因此不時發炎:「因為隻眼好乾搞到成日發炎,所以醫生就建議我整細隻眼,就容易合埋啲,依家仲要Keep住覆診同睇言語治療師。」

現年28歲的抗癌歌手李明蔚(Sarena)於2012年不幸患上罕見的腺樣囊性癌,令其歌唱事業被迫叫停。雖然患上癌症,亦進行過4次電療和30多次化療,令其聲帶和鼻腔亦有影響,需要重新練習怎樣咬字發聲,但她從來沒有怨天尤人,反而更加樂觀勇敢面對自己的病。

近日同媽媽一齊飛到歐洲旅遊,她指今次係第一次去歐洲,心情非常興奮:「其實出發前都有擔心過自己嘅病,唔知應唔應付到咁長嘅旅程,但幸好一切安好,搭長途機都冇不適。今次就去羅馬、意大利、英國同巴黎,好開心參觀咗唔同博物館,同埋食咗好多美食,仲係第一次食法國蝸牛餐,味道好令人難忘。」又透露各個地方都好美,把握機會同媽媽影了不少靚相。

Sarena 雖然身體仍然在康復階段,不過她依然以樂觀態度面對。近日她還出席《黃金兄弟》電影首映禮,她感謝曾志偉的邀請,令她看到一套勾起大家集體回憶的電影:「呢套戲啲爆炸槍擊場面好緊張刺激,而佢哋當中嘅兄弟情亦都好令人感動,當年《古惑仔》嘅回憶番晒嚟,真係好精彩,睇得出佢哋嘅用心,絕對值得大家支持。」

又大讚小春非常型,故今次可以與他合照,令她非常興奮。在此祝Sarena早日康復!繼續樂觀努力抗癌!

 

 

 

(on.cc)