1989年亞洲小姐冠軍翁虹,50歲生日喇!29年前選美出道嘅佢,咁多年嚟拍過唔少電視劇集同電影,更加做過歌手出唱片。

昨日係翁虹50歲正日生日,佢喺微博分享咗唔少珍貴相片,由童年到入行都有,仲寫道:「如果我有一百歲的話,今年是我踏入人生的分水嶺!人生百年,五十歲是一個里程碑似的「轉換」,時至今日,無論是年屆半百還是出道30年,這些對我而言只是個數字。」

最近喺大陸發展嘅翁虹,被大陸網民稱為「凍齡女神」,講到佢50歲都好似30年華一樣咁靚,佢就話除咗因為父母畀佢嘅基因之外,最重要嘅就係要保持開朗樂觀,佢笑言要「把自己當成俠女活得瀟灑健康,活得精彩。」

50歲生日,都算係人生當中一個好重要嘅里程碑,翁虹就話:「最重要是活得明白,從今往後我要成為更好的自己更多的為自己而活著!」

(蘋果日報)