無綫處境劇《愛.回家之開心速遞》一班演員日對夜對,老老嫩嫩似足一家人,就算唔使開工,佢哋都會約埋出嚟聚吓。

就好似呂慧儀(長腳蟹)過幾日就36歲生日,成班《愛.回家》演員就出晒嚟同佢慶祝,當中就有劉丹、單立文、張景淳、蘇韻姿等,而長腳蟹都好識做,帶埋阿仔「蟹籽」出嚟見吓啲叔兄弟!

話晒咁齊人開開心心賀壽,不過大合照時佢哋就搞笑地玩「工藤佑采Mode」,個個一齊黑面,連「蟹籽」都識得唔做得意表情,真係睇得出《愛.回家》演員幾咁「齊心」,而長腳蟹就似乎好Enjoy,另一張合照都繼續嚟黑面樣,果然係玩得之人。

而單立文除咗配合玩黑面,佢仲忽然用叉幫「蟹籽」梳頭,難得「蟹籽」又郁都唔郁任佢搞,場面真係夠晒搞笑。

(on.cc東網)