孫耀威今日喺新城宣傳新歌《最後最後》,早前佢為新歌拍MV:「由故事、拍攝到剪接,我都俾咗好多意見,由第一個鏡頭到最尾嗰個都係我自己剪。」

孫耀威講到新歌係提醒大家要珍惜當下,仲自爆以前與老婆陳美詩嗌交,會企硬唔道歉同據理力爭:「o依家會攬番佢講對唔住,對錯其實好少事,最緊要係想佢開心。我老婆其實唔易嬲,不過一嬲起上嚟好難搞,攬住錫佢都試過晒,我同佢講:『都講咗對唔住啦,你仲想點啫?』,呢個真係要學一世。」記者笑指可以推老婆落床,佢即笑謂:「『等我教訓下你!』?唔會啦,係都係佢教訓我。」

(蘋果日報)