楊婉儀一家四口昨晚喺九龍灣出席校園動作勵志電影《大師兄》,佢哋仲一齊着校服配合主題。

今年6月楊婉儀與丈夫王帥勳任職董事嘅薩摩亞註冊公司Little Einstein Academy Limited,同遭本港一間財務公司淼鼎資本有限公司入稟,指被告公司先後從原告獲得240萬貸款,被告公司更以楊婉儀嘅后冠及加州物業業權作還款保證。惟被告公司數度拖延還款,當時連本帶利欠376萬,又不肯簽署文件交出后冠和物業的擁有權供原告變賣,故原告興訟要求法庭下令被告還款,並交出后冠和業權。

昨晚係楊婉儀喺事發後首度露面,佢大方接受訪問,但一問到關於以后冠作抵押同學校關閉嘅提問,楊婉儀一概禮貌話:「已進入司法程序,唔可以透露回應。」

再問到佢財政係咪有困難?楊婉儀就話要趕入場,迴避回答。

(蘋果日報)