馬國明與唐詩詠等約9時check in後大方企定定任由記者拍照,但當問到婚禮詳情時,他們異口同聲表示:「去飲飲食食囉,詳情未知,佢哋好保密,冇劇本㗎,話『去到你哋就知㗎。』(係咪真係有咗BB?)呢樣更加唔知,如果係遲啲就知啦。」

藝人黎耀祥及太太、曹永廉、唐文龍、馬國明、唐詩詠、黃嘉樂及女友等,早上紛紛現身機場,出發往峇里出席鄭嘉穎及陳凱琳婚禮。

而林子善就忽然避開記者,由另一邊閘口入閘,不過依然被記者發現,他才停低影相,但就未有透露更多。

馬國明與唐詩詠等約9時check in後大方企定定任由記者拍照,但當問到婚禮詳情時,他們異口同聲表示:「去飲飲食食囉,詳情未知,佢哋好保密,冇劇本㗎,話『去到你哋就知㗎。』(係咪真係有咗BB?)呢樣更加唔知,如果係遲啲就知啦。」由於大家都有工作在身關係,今次只是約兩天的行程,馬國明更搞笑謂:「嗰邊地震呀,所以我去已經係最好嘅禮物。(唔帶埋心穎BB去?)講埋啲衰嘢。(去取經?)咁我未去過嗰邊旅行嘅,取經第二時同屋企人去玩囉!」

問到唐詩詠是否想接花球,她笑答:「都好喎。」她又望向黃嘉樂女友問:「需唔需要妳先?」黃智賢即幫手解圍:「肚餓喇!」詩詠又表示自己有準備泳衣,希望能夠有時間碧波暢泳。而黃嘉樂則笑指女友唔需要接花球,但當問到是否已求婚,他卻連聲否認,又笑謂:「我淨係知啱啱地震完,能量冇咁快再令地殼郁嘅。」

(on.cc東網)