1

《宮心計2深宮計》仲有兩集就播完,睇完黃心穎同周秀娜慘死,劉心悠同馬國明喊到眼都腫晒之後,復仇大計就正式開始。話說因為蕭正楠係肅明皇后嘅遺孤,於是乎陳煒同馬浚偉都希望拉攏佢、力保自己嘅地位。黃心穎

胡定欣拜祭周秀娜嘅時候,發現心悠嘅家姐嘅死,原來同陳煒有關,張文慈仲知道成件事嘅始末,於是馬浚偉用尚宮局嘅尚宫嘅位,利誘張文慈向心悠爆料,搞到心悠去咗搵陳煒,直斥佢濫用私刑殺自己嘅家姐,本來陳煒諗住殺心悠,不過最後蕭正楠出嚟阻止咗。

5

2

呢件事影響咗陳煒嘅計劃,佢一方面借意殺咗蕭正楠、嫁禍俾馬浚偉,同時亦迫謝雪心等人,散播一啲對馬浚偉不利嘅謠言。

點知去到大殿上,諗住勝劵在握嘅陳煒,最後竟然俾近身李美慧出賣,仲俾其他人爆佢為咗做皇帝、已經暗地裡做咗好多事,佢都知道自己嘅下場一定好悲慘!

喺36集嘅大結局,亮點唔係佢哋嘅下場係點,而係麥玲玲嘅古裝扮相登場,究竟會唔會好似網民之前嘅猜測,飾演妃嬪呢?

另一方面,講到飲毒酒自殺嘅戲,娜姐今日接受《蘋果》訪問話:「我未正式睇番,但係我本身都好鍾意呢一場,嗰陣喺深宮個景拍咗幾日,導演想我哋全程keep住個情緒,喺對白要一段直落,所以好感受到純熙嗰種痛,而呢種痛一路好難講出口,要將自己一啲唔開心嘅經歷,講俾最愛嘅人聽,但係最後只係聽到佢話好多嘢都係身不由己。」

佢仲話:「因為有呢件事,令到純熙心死,之後有決定皇后同歸於盡, 所以拍嗰陣都覺得好心痛,以前喺深宮啲女人好有計謀,唔係有證有據,就可以解決件事,反而有好多嘢都要大局為重,其實純熙唔好啱喺宮中生活,真係太純。」

(蘋果日報)

3