1

2018年港姐⋯⋯誕生咗喇?

圖像中可能有3 人、微笑的人、特寫

5

睇真啲,佢哋其實係98年港姐冠軍向海嵐、亞軍趙翠儀同季軍吳忻熙(前名吳文忻)。當年選美,大家年紀少,台下爭到台上,不過人越大越珍惜過去,始終識於微時朋友最珍貴,今年係佢哋選咗出嚟20周年,向海嵐、吳忻熙同趙翠儀,以及當年其他落選港姐約咗出嚟Re-U,吳忻熙日前仲喺社交網po相,佢留言:「Our 20th anniversary!是否比20年前還漂亮?!」

2

圖像中可能有14 人、微笑的人、大家坐著和室內

據知呂麗君都想出席,但咁啱出咗埠,所以未有到場。眨吓眼20年,當年三甲仲齊齊戴番后冠影相,時間飛逝,冠軍向海嵐仲喺幕前工作,佢o依家有幫亞視做主持,活躍演藝圈,亞軍趙翠儀同季軍吳忻熙都升呢幸福人妻,吳忻熙仲係兩女之母,佢不時社交網貼出親子相,老公錫到燶,大晒溫馨。趙翠儀最好生養,先後生咗兩子一女,退出幕前轉咗做傳銷。

當日仲係趙翠儀牛一,成班好姊妹仲同佢慶祝。大合照當中仲有當年落選港姐,呢班失蹤人口真係唔認得幾多個,但當年湊佢哋嘅保母Rosa竟然完全冇變,佢哋又喺幾位保母中㨂冠亞季,畀佢哋戴后冠影相。

《蘋果》打畀吳忻熙,佢話玩得好開心,席間話當年,佢仲問:「我哋係咪靚過以前?」其實女人有時有閱歴會更有味道,吳忻熙都好認同話:「有閱歷更漂亮。」

佢話大家計劃搞個20周年紀念trip:「預計暑假去玩,但唔知幾多個女仔可以去到。」唔知到時出trip着唔着泳裝呢?

(蘋果日報)

3