轉眼間,本月十八日係天王郭富城同方媛結婚一周年,一年內結婚又生女,城城簡直係人生大滿貫!出名錫老婆嘅城城,為慰勞方媛平時辛苦湊女,百忙中抽空放假,雙雙去杜拜慶祝結婚周年紀念,享受二人世界!話晒係天王,真係去到邊都會有人認得,有內地網友有圖有真相,影到城城兩公婆喺杜拜一個商場出現,當時城城戴晒黑超Chok爆出巡,老婆方媛就好似小綿羊咁,一身白裙兼全程翹實城城,一黑一白,呢對黑白配當然吸睛!

郭富城與太太方媛在杜拜逛商場。

嗰位網友留言話,當日曾經上前要求合照,但即被拒絕!明嘅,難得享受二人世界,當然唔想有人打擾!不過方媛尋晚都有「洩蜜」,佢分享咗旅遊相,不過就唔見有城城出現,動物照就有幾張!佢留言:「太陽很大用圍巾遮一下,拍到幾隻可愛的野生小動物,分享給你們看,想給它(㸱)們餵點吃的。」

方媛昨日亦在微博上載去旅行的照片,但冇講去邊度。

方媛拍到可愛的野生小動物係咁。

 

方媛做好防曬設施。

(on.cc)