日前黃夏蕙將郊遊相片上載到社交網。

佢留言話:「南生圍係香港僅存既(嘅)寧靜地方,諗番舊陣時拍電影個(嗰)陣,武打片就去城門水塘;拍愛情片就一定係南生圍。而佢地(哋)最出名既(嘅)食物就係《鹹雞》,今日仲係(喺)農莊裏撞到個中學小師妹;環境寧靜到您可以無拘無束咁同大自然同呼吸一口空氣。同一個地方有好多個景點,畀大家玩足一日,仲可以學曉如何尊重大自然既(嘅)態度。野火燒不盡,希望住(往)後日子能夠春風吹又生。」

南生圍一個月內三歷火劫,橫水渡碼頭喺日前又疑遭縱火焚毀,事件引起各界關注,連資深藝人黃夏蕙都憤怒了!

之後黃夏蕙愈講愈激動,更加因為太嬲而發表驚人嘅「裸體影寫真」宣言:「唉!要地方起樓,香港仲有大把可以揀,何必要搞Lee(呢)度啦?今次就著(着)住衫影寫真,下次再燒,我就實行讓半球或者唔著(着)衫咁影,實行抗議呀!可憐下我Lee(呢)個老人家,唔好再搞南生圍,畀香港後花園Lee(呢)個美譽流傳落去啦。求求你,你不懂的!」

唔少網民都讚黃夏蕙講得好,不過都有人勸佢冷靜少少,始終唔着衫好易凍親呀!

黃夏蕙又試咗南生圍最出名嘅鹹雞!

 

 

(Facebook / on.cc)