黎小田:「佢係參加麗的電視嘅歌唱比賽入行,佢最後拎咗第一屆嘅第二名,記得佢揀嘅參賽歌係《American Pie》,但其實冇咩人會揀呢首歌做參賽歌,因為首歌太長啦,所以佢嗰時參賽嘅版本係Cut短咗。之後同佢熟咗,佢都有同我講番呢件事,原來佢係好介意,不過當時佢係新人唔敢出聲。」

哥哥張國榮除咗係唔少市民嘅偶像,仲係一班偶像中嘅偶像,唔少圈中人對哥哥都好尊敬,仲會視哥哥為學習對象。

謝安琪:「我覺得喺舞臺上面每個歌手都好坦白,你自己係乜嘢人就好坦露咗自己,哥哥又一樣嘢係其他人好難模仿,佢嘅最高境界係佢嘅一份瀟灑,我覺得喺舞臺上面揮灑自如,心態好瀟灑,係好難而且係好有型,唔同階段嘅哥哥都有唔同階段嘅美態同吸引力,係令我最懷念。」

劉德華:「好快就15年,哥哥離開我哋一段時間,好多喜歡佢嘅人,都仍然覺得佢留喺我哋心裏面,希望趁呢個時候,同大家懷念一下哥哥,希望佢喺第二度都幸福快樂。」

相關圖片

張智霖:「好多嘢都好掛住,好多佢演過嘅電影好似《英雄本色》,時常都會百看不厭,《縱橫四海》甚至乎賀歲片都時想睇,佢嘅歌時常在自己心裏面,有一個永遠嘅playlist一樣。」他續說:「佢嘅歌由細陪到我大,認識咗哥哥、亦都係佢打牌嘅腳,喺佢度學到牌品好好,當時係好難忘嘅時光,我記得喺哥哥屋企打牌,又會喺佢屋企食飯 ,發覺佢對佢工人好好,我問佢究竟係一個點樣嘅觀念?佢話有時唔係要鬧死人,係要冧死人,我覺得好受用,係我喺哥哥身上學到對任何人都咁一致嘅態度。佢全部嘅歌我都熟悉,哥哥就好似喺我心裏面基本上冇離開過。」

相關圖片

 

 

(Apple Daily / on.cc)