真係超耐冇見佢啦!兩位女神廿多年前曾合作電影,難得再聚同框,隨即引起網上熱議,唔少網民都讚佢哋唔識老,依然Keep住咁靚。。。

今日袁詠儀(靚靚)、張智霖、郭富城及蔡一智夫婦等聚會,事後靚靚亦喺社交網上載合照,當中竟然有大美人林青霞!佢近年深居簡出,雖然甚少喺幕前露面,但然有同圈中好友保持聯絡。

相中只見淡妝示人、打扮輕便嘅林青霞依然美艷動人,難怪靚靚亦忍唔住大讚對方:「雍容美麗、優雅大方的青霞姐姐,真的是美的沒法用三言兩語來形容的大美人。」

其後靚靚仲同林青霞攬腰合照,兩位女神罕有同框,隨即引起網上熱議,唔少網民都讚佢哋唔識老,依然Keep住咁靚。其實兩位女神廿多年前曾合作電影,唔知幾時有緣再喺銀幕上見到佢哋合體?

(on.cc東網)