咦!呢位小妹妹眉清目秀,相當有氣質同星味,究竟係邊位女藝人嘅童年相?大家係咪估唔到呢,皆因呢位唔係小妹妹,而係小弟弟就真,佢嘅真身就係形象百變嘅藝人喬寶寶呀!

喬寶寶今晚喺社交網分享小六成績表,並留言話:「My sweet memories of primary school.(我小學嘅甜蜜回憶。)」成績表上貼有一張學生相,隔籬大大隻字寫住「喬寶寶」,就知真係佢嚟啦!講番呢張相先,當時嘅佢真係好秀氣,難怪大家都會認錯佢做女仔,而佢三年前貼出呢份成績表時,亦曾經搞笑地澄清自己真係男仔嚟。話時話喬寶寶細細個咁「靚女」,有冇吸引好多裙下之臣先?

好緊張呀~~~

真係好似女仔呀!

大個就變成咁樣!
 (東方日報)