張天愛58歲,但身型、裝扮多年不變,依然積極人生,計劃多多。她指自己的不老秘訣,是要追20-40歲的人生高峰期。「o依家70歲變咗new 50,50歲係new 30,我爸爸呢,95歲,佢好似70幾歲。點樣去延長人生嘅生命力、去追人生嘅高峰期?我希望我做到20至40歲嘅高峰期,一直延長,唔好老,呢個心態係我嘅秘訣。」

飲食當然非常重要,Flora奉行以流質食物為主的Liquid Diet,周六日更只飲清水:「朝早飲豆奶,中午飲湯,下午就任飲好多果汁,夜晚各種菜湯、豆湯、魚湯不同各類型的湯,永遠不食糖。固體呢,我將一餐分做一日12次,早上飲豆奶時,會加蛋白;中午就加蘋果或者芝士、或者少少沙律。夜晚就少少肉,咁你就唔會有肚漲的問題。」

作為舞蹈家,張天愛依然日日跳,每日下午四至八教小孩跳舞,磅數過去40年保持在103至110磅之間,7磅之間上落,因為深信好身體,有健康,才可以繼續去做愛做的事:「身體就係我哋屋企,人生去買保險,死咗先俾錢你,病咗先賠錢,it’s late!」

上網Google,會發現近年有一位同名同姓的大陸女星張天愛,90後的張天愛拍過《太子妃升職記》等人氣陸劇,「冇見過,有人叫我哋一齊做talk show。佢個名好似係五六年前改嘅,覺得好驕傲有人用我個名。佢個樣好甜,好靚,仲有人問話你最近整咗容?佢得廿幾歲咋,我都好榮幸,佢好紅,希望佢好好啦。」

(蘋果日報)