近期何佩瑜(Jeana)為咗配合新片要增肥15磅,對於身材出名好嘅Jeana嚟講都幾大犧牲,不過對比起之前佢拍嘅一套電影,唔識潛水但係要喺水底拍戲,結果因為太驚恐緊急上水差啲搞到爆肺而死!

水底拍戲困難重重

Jeana參演嘅電影即將喺馬來西亞上映,不過有工作在身就冇時間過去做宣傳,佢喺社交網回憶番當時拍攝嘅點滴,表示套戲喺台灣墾丁拍,好多場面都喺水底,雖然佢唔識潛水,不過一向勇於冒險及嘗試嘅Jeana冇退縮,期間要面對大浪嘅紅色警報同埋天氣寒冷狀況,仲出現嘔吐和抽筋等情況,又畀水母不停地「炸傷」皮膚,真係諗起都戥佢慘!

恐懼侵佔面對死亡

而當中最難嘅一個場口,要潛入10米水底拍攝,吸飽氧氣就roll機,唔夠氣就再吸咁不停循環呢個動作,Jeana透露因為喺水底冇戴潛水鏡乜嘢都睇唔到,加上新手潛水嘅關係,到達10米深嘅水底冇耐就畀恐懼侵佔,唔能夠協調自己嘅呼吸兼不停掙扎,自然反應之下想極速衝上水面,當時Jeana畀教練捉住唔畀佢向上游,原來係因為喺呢個水深嘅地方吸緊氧氣,突然衝上水面會有機會爆肺甚至死亡,當時情況都好驚險,好在最後都冇事!Jeana安全上到水面之後,即時瘋狂爆喊,仲話係第一次感到同死亡係咁近,經歷過呢件事之後,Jeana除咗驚恐之外都有得着,就係完全感受到生命嘅脆弱,亦都學識咗要珍惜。

做演員為咗有好效果靚畫面,拍戲時經常都要玩命,就算好似吳京呢啲出命好身手嘅動作演員一樣,之前佢主演全球大收超過67億嘅電影《戰狼II》,其中一幕要一口氣喺水底打鬥6分鐘,吳京自爆當時不停飲水差啲死。可想而知唔識潛水嘅Jeana面對緊幾大難度。

之前Jeana去咗台灣拍戲。

仲差啲爆肺死亡。

明白到生命好脆弱。

吳京之前拍水底戲都差啲死。

潛水但係要拍水底戲。

Jeana一上水就瘋狂爆喊。

經歷過呢件事領悟到珍惜。

去到水底10米深嘅地方就出事。

第一次感覺到同死亡咁近。

Jeana留言。
(東方日報)