張武孝(大AL)除咗演藝事業,近年更愛上跑步,佢話自己開始長跑嘅原因,係因為要報答恩師黃霑。

大AL 張武孝的圖片搜尋結果

大AL語帶唏噓表示:「霑哥作咗好多歌畀我,印象最深嘅,好似《鬼叫你窮》、《隋唐風雲》、《發你個財財》,喺歌唱事業幫我好多忙,私底下亦係好朋友,亦師亦友。」

相關圖片

「佢過身時(編按:黃霑於2004年因肺癌病逝)非常之難過,嗰時諗『霑哥有乜可以報答你呢?』,記得佢臨去之時,曾經係電視度,叫人唔好食煙,嗰時我都有食煙,所以立定決心戒煙。」

大AL 黃霑的圖片搜尋結果

大AL諗到要做番啲運動,最廉價當然係跑步,從嗰時開始跑。佢話10年前一個禮拜跑2至3晚,每次都跑10公里:「我住大圍,喺屋企沿城門河跑去第一城,再跑返屋企,就10公里。不過近年醫生朋友話跑少啲,年紀大會傷腳,所以縮短路程,跑5至7公里,通常都係夜晚跑。」

一戒到o依家,已經13年,戒煙帶俾大AL嘅唔止係健康,連佢把招牌「豆沙喉」都清埋,佢話沙聲係因為早年每晚喺夜店唱完歌,放工仲要去蒲,大AL話:「一日唱3個鐘,唔識唱都變識唱。年青人百厭消夜、古靈精怪,把聲咪沙咗,戒咗煙把聲係清咗。」見到大AL發達嘅小腿,一睇就知係戰鬥格,讀書時佢話經常喺運動場被叫名(攞獎),佢話:「發達係先天,中學乜嘢都玩100米、接力、跳高、跳遠,嗰時冇乜正統訓練。」

大AL話自從13年前戒煙後,就愛上長跑,佢話初初只係諗住「談下戀愛」,希望身體好,點知愛上之後唔見「佢」唔得:「比賽只係目標,因為有比賽,就會令你積極有心機。跑過澳門馬拉松,我習慣去到全世界都會跑步,去溫哥華Stanley Park跑一個圈8.5公里,一個鐘左右跑完,呢度係最靚跑步地方;澳洲由歌劇院個公園跑、倫敦海德公園好細,35分鐘跑完一個圈;阿姆斯特丹跑公園,唔跑街,因為條條河都一樣,驚蕩失路,而珠海會沿住海傍跑。」

大AL之前跑完渣馬,喺fb貼相留念。(張武孝facebook圖片)

提到跑步時嘅必備物品,大AL話最緊要係耳機同電話,佢解釋:「聽音樂好重要,可以延續麻醉自己,最近鍾意聽jazz。」對於跑馬拉松,大AL話有個願望,就係跑到70歲,當然都要睇報唔報到名,目標自然係全馬。佢提到今年跑全馬嘅戰略,就係要喺兩個半鐘內完成半馬,佢話:「最難捱去到西隧長命斜,國際選手都話辛苦,去到嗰度已經34、35公里,嗰時腳趾公又痛,又想抽筋,之後去維園嗰幾公里已經係捱。」

 

(Apple Daily)