近年韓國女團當道受熱烈追捧,隊隊女團出道都即刻爆紅勁多粉絲,唔少地區嘅娛樂公司都參考並食住個勢推出女團,有成功嘅例子當然亦有失敗,其中要數「另類」就非內地五人女團「Sunshine」莫屬,皆因佢哋身形相貌獨特,大部分網民都唔Buy,仲幫佢哋起咗個名,就係「史上最醜女團」,齋聽個名都知佢哋有幾猛。

早前其中三位成員Abby、Cindy、Dora選擇退團,再令起爐灶成立三人女團「3unshine」,近日有消息指呢隊新成立女團接拍偶像網劇,仲要係做女主角,其中成員Cindy仲會同內地小鮮肉區瑞天飾演情侶。消息一出即成為熱討對象,不過一班網民唔係話有幾期待佢哋嘅演出,係好嘴賤咁留言戥男主角區瑞天慘,話如果有錫錫戲,唔知男主角會唔有心理陰影,仲有網民推斷區瑞天可能得罪咗人,所以先至有咁嘅「機會」去演男主角。

「Sunshine」曾經被網民封為「史上最醜女團」。

男主角就係小鮮肉區瑞天。

其中三位成員退團再組「3unshine」

唔少網民嘴賤留言話戥區瑞天慘。

近日佢哋拍偶像網劇,仲做女主角。

Cindy嘅美,唔係普通人識欣賞。
(東方日報)