1

苑瓊丹早前去咗奇妙電視接受好友鍾慧冰嘅訪問,當年佢哋係打麻雀結緣,鍾慧冰吐晒苦水,大爆苑仔牌品差,次次打親麻雀都俾佢訓話,苑仔話:「我今時唔同往日,o依家我識得包容人哋,嗰陣因為亂食減肥藥,搞到荷爾蒙失調,引致情緒病。」

苑仔憶起當年同一位「大影后」食飯,留下不快回憶:「嗰陣俾個大影后叫我哋食,食之前仲要驗身,我食完好唔開心,但係根本唔識又唔知自己有情緒病,嗰陣日日都唔開心,好辛苦,試過返公司途中喺架車大叫,控制唔到自己。」

5

2

最後,苑仔靠自己令病情穩定,o依家變咗做情緒病專家,幫助朋友解決情緒問題。講到當年合作做棟篤笑,鍾慧冰忍唔住爆苑仔工作態度惡劣,連佢都覺得驚,苑仔就解釋:「我知我工作態度好衰,因為當年黃子華嘅棟篤笑好好笑,所以用咗嗰個心態去睇件事。我好認真,要求自己唔可以出錯,連對手亦都一樣唔可以錯。」

最後直到佢同周星馳合作拍《九品芝麻官》,苑仔坦言:「嗰陣開工都覺得自己好風光,但係星仔親自睇場嘅時候,都嚇到口窒,雖然最後我都咬緊牙關做,不過事後我發現自己太掉以輕心同驕傲,所以決定返電視台,重新學演戲。」苑仔自覺演技有不足之處,決定重返無綫,先演《真情》嘅低B瓊,又喺《男親女愛》中做「梅日仙」,不過最令觀眾印象深刻係喺《封神榜》演殷十娘同《皆大歡喜》紗紗郡主。

(蘋果日報)

3